Autor de teatro e audiovisual, monologuista e cómico.
(Vilagarcía de Arousa, 1959)
Excelente e versátil como autor e intérprete, Carlos Blanco despuntou no grupo de teatro Ítaca, en Vilagarcía. Dende aqueles inicios, a súa carreira despegou de xeito progresivo e brillante, amosando unha extraordinaria capacidade creativa en diversos ámbitos.
Blanco foi guionista e protagonista da celebrada teleserie Mareas vivas, e a súa faceta actoral destacou en producións tan relevantes como Fariña; O lapis do carpinteiro; Antidisturbios, Heroína; Cargo; Doghs; ou A praia dos afogados, entre unha extensísima produción. Tamén participou en Volver (2006), de Pedro Almodóvar.
Na súa dimensión escénica, hai décadas que escribe e dirixe os seus propios espectáculos. É especialmente celebrado como cómico e, neste senso, algúns dos monólogos que creou forman parte xa da cultura popular galega.
Gañador de premios diversos, Carlos Blanco tamén ten traballado como presentador de radio ou televisión e escribiu cancións para os seus espectáculos e para outros artista
Add comment